🏴 هدموهه الحضره🏴



بأرض البقيع اتدور هالليله الزهره
تسندها ام عباس. ودمع الاسى اتنثره
—————

وحشه ويون لتراب. لاقبه لا مبني
من شفته قلبي انصاب. آيالحسن يبني
حاقد تولى اعليه. ابهم وألم ذبني
لا مبنى لا زوار. هدموهه الحضره
————
يم الوفي شوفي. المن يهدموها
بين الجتل والسم. اولادي هدوها
تراب ورمل وي طين. المن يسدوها
حتى الثرى ذبحوه. لان بيه اثر عتره
———-
تبجي الوفيه تنوح. وطاحت على اترابه
كل العمر معلول. وضيعوها اعتابه
يالساجد المحزون. يفجعني امصابه
حتى الثرى عفوه. والباقر ابكتره
———-
من ياضلع ونت. ومن ياجرح ملجوم
تسندها ام عباس. وگلب الدفا محروم

يالصادق أسأل ليش. يمه الگبر مهدوم
ونت مع أم عباس. وافي الزمن غدره
———-
تمت بحمد الله
بقلم بنت الشمري

🏴نعي🏴

لتهديم قبور البقيع

تمشي الزجيه بين الگبور
امهدمه ومابيها ضي نور
يمه خرابه اتغم الصدور
بيوت الله وينه اليعتني يزور
ذاب الدليل ودمعتي اتفور
گلبي شبع يايمه بس جور
———
امشي ييمه ودمعتي تون
واسمع تراب ابوحشته ايحن
انتم ايمة انس وي جن
نمتوا بترايب والدهر ماايكن
حربه عليه والكم ايشن
———-

ينكسر قلبي امن انظر الها
ادياركم مظلم نزلها
حاقد عن الدنيا عزالها
فجر مراقدها وسدلها
———
تمت بحمد الله
بقلم بنت الشمري

‏مستند من الصالح الموعود (عج) 313

شهادة الإمام الصادق عليه السلام
طور : إنتي أمي وعدة أطوار أخرى ..
.
.
أمك الزهره واجيتك .. أبچي عند اجنازتك
آه يالصادق ييمه .. مرمرتني امصيبتك

عالنعش يبني أنوح .. وزادت اعليه الجُروح

أمك الزهره واجيتك .. أبچي يمك يالولد
خامس أولادي ييمه .. وتنذبح بالسم بعد
ما سفت راحه بحياتك .. او لا شفت يبني السعد
چم مُصيبه شاهدتها .. وتالي صارت ذبحتك

عالنعش يبني أنوح .. وزادت اعليه الجُروح

چم مُصیبه شاهدتها .. واذْكرِت طف كربله
دارك اعليك احرگوها .. وروعوها العايله
بيهم اتذكرت زينب .. والمدامع سايله
واذْكرِت بابي ومُصابي .. ولَيَّه زادت لوعتك

عالنعش يبني أنوح .. وزادت اعليه الجُروح

وهالمسيه يا حبيبي .. ايمددونك بالگبر
ويلي لعمرك ييمه .. طَفَّوا اسنين العمر
احضرك هالليله يبني .. وأنسى يا يمه الكسر
المهم ابروحي اضمك .. يبني واحضر دفنتك

عالنعش يبني أنوح .. وزادت اعليه الجُروح
____
#فاطمة_كريم

نواعي في التوسل بمولانا الإمام جعفر الصادق عليه السلام
.
.
● طور : يا رايح تزور حسين + لفی عاشور

يمهدوم الگبر أنخاك .. وأريدن نظرة من عينك
أردن نفحة من جودك .. وأريد اتمد إلي ايدينك
ابحگ اللي عليه كل يوم .. دمع عيناك واونينك
اجبر گلبي المكسور .. خاطر سيدي احسينك

فرحني يبو الكاظم .. خاطر أمك الزهره
واكتبلي المسه أرجع .. ومن عندك نِلِت نظره
لا تنساني هالليله .. عليك بصاحب الطبره
يمولانه تعب گلبي .. أريدن حالي اتغيْره


آه يا مولاي آه يا مولاي آه يا مولاي آه
آه يا مولاي آه يا مولاي آه يا مولاي آه


● طور : مالي غيرك

أنخى جيتك .. سيدي وبروحي حسره
أنخى جيتك .. ارزقني يا مولاي نظره
أنخى جيتك .. خاطر المكسور صدره

يا إمامي .. لا تردني هالمسيه
يا إمامي .. ابحگ شهيد الغاضريه
يا إمامي .. الليله فرحني بعطيه



● طور : يمه أنا زينب

اليگصد الصادق .. حاشه يرد مهموم
باب الفرج بابه .. لكل حاير ومحروم

حاشه يخيب اللي .. ابدمعه تعناله
متحير وجرحه .. وسط الگلب شاله

وآنه المسه بجرحي .. جيت بدمع مسجوم
باب الفرج بابه .. لكل حاير ومحروم

جيتك يماي العين .. ومني الگلب حاير
وحاشه يبو الكاظم .. تكسرلي الخاطر

وأدري أبد ما خاب .. من ناده يا مسموم
باب الفرج بابه .. لكل حاير ومحروم


● طور : يا صاحب الزمان مولاي عذراً سيدي

مدد مدد مدد .. يا صادق العتره مدد

يمهدوم الگبر .. اشتاگ الگلب لزيارتك
يا سيدي بحلم .. يمته اشاهد قبتك
وعلى بابك اطيح .. بلهفه أقبل عتبتك
واشمها سيدي .. بروحي الغريبه تربتك
اعله شباجك اطوف .. واشكي هُمومي بحضرتك
وأگلك سيدي .. أنا الفقير لنظرتك

مدد مدد مدد .. يا صادق العتره مدد

رايدها مسحتك .. تشفي دليلي المنكسر
وحق غربة البقيع .. محتاج إلك والله شكثر
لحنانك سيدي .. اخذني يا نعم الذخر
وتِشافي يمينتك .. اجروحي اذا اعليه تمر
يالصادق انتظر .. نفحة عطاءك انتظر
لتردني هالمسه .. ابحگ اللي ما عدها گبر
_
تمت بحمد الله تعالى
#فاطمة_كريم
٦ / ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي

بسم الله الرحمن الرحيم


تجاوز الفراغ الداخلي بانتهاج هدي الإمام الصادق عليه السلام

الفراغ الداخلي يعرف عنه هو الشعور بالملل
والغياب التام للفرح أو الأمل أو الرضا

ويمكن ربط الشعور بالفراغ الداخلي أحيانًا مع حدوث بعض المواقف الصعبة في حياتنا بشكل مؤقت، لكن تكمن المشكلة عندما يستمر هذا الشعور لفترات طويلة دون تحسّن يذكر، فمن الممكن أن يترافق مع حالات صحية نفسية أو جسدية معينة. والفراغ قد يرجع لعدة أسباب، منها وفاة أحد أفراد أسرته، والذي أشعره بألمٍ وحزنٍ شديدين لفترة طويلة، وعليه أن يعلم أنه من المؤلم فقد أحد الأحبة، ولكن شعور الفقد يتغير مع مرور الوقت، وعليه ان يتعلم كيف يعيش الحياة إلى جانب ذلك الشعور
وسبب آخر قد يرتبط بغياب أنواع معينة من الحب والرعاية أثناء فترة نمو الشخص، وهذا لا يعني أنه لم ينشأ في ظل عائلة محبة، لكن كان بحاجة إلى نوع معين من الحب والرعاية نعم حيث أن
الابتعاد عن الله وأهل البيت عليهم السلام هو الذي يولد الفراغ الداخلي وبالتالي يصبح الإنسان حياته اللامبالاة وفقدان الاهتمام بنفسه والآخرين. الفراغ يسبب عدم الإحساس بالقيمة او الاستحقاق ويبدأ المقارنة بينه وبين الآخرين وتوجد كثير من الطرق التي تخلص الإنسان من هذا الفراغ الداخلي منها التركيز على تطوير أنفسنا أكتب قائمة إنجازاتك أكتب الأشياء التي تشعرك بالسعادة لا تفكر في الماضي تقدم دائما إلى الأمام لا تجعل نفسك في حفرة لا تستطيع الخروج منها ردد دائما أنا أستطيع

وأفضل شيء لتجاوز الفراغ الداخلي هو القرب من الله تعالى وأهل البيت عليهم السلام وأحاول قدر الإمكان أن أنضم إلى دروس الحوزة هذه الدروس تخلص الإنسان من هذا الفراغ الداخلي هنا يذكر اسم الله وأهل البيت عليهم السلام كثيرا الحوزة هي مدرسة الإمام الصادق عليه السلام هذه المدارس التي

واصل الإمام الصادق {عليه السلام} تطوير المدرسة التي أسّسها آباؤه الطاهرون{عليهم السلام}
من قبل، و انتقل بها إلى آفاق أرحب وأوسع،
فاستقطبت الجماهير من مختلف البلاد الإسلامية،
لأنها استطاعت أن تُلبّي رغباتهم، وحاولت ملء الفراغ
الذّي كانت تعانيه الأمة آنذاك، حيث أصبحت الجامعة،
مع حضور الإمام {عليه السلام} بنفسه فيها عاملاً
أساسا ساهم في التخّلِص من الاضطراب الفكري في
تلك المرحلة.،

والسلام عليكِ يا مولاي يا جعفر بن محمد الصادق ورحمه الله وبركاته؛..

هذا ولله الحمد

زينب محمد العبادي



https://www.tg-me.com/ffhuqq

نعي
في مصاب الامام الصادق عليه السلام

ابوذيه

بجعفر دليلي الليله ينصاب
ودمعي على الوجنات ينصاب
اعليك الماتم ابهالليله ينصاب
انصبه بالسموات العليه
———
مجردات

تبجي الزچيه ابدمع همال
سمك يجعفر يشده البال
فطر دليلي وعذب الحال

امصابك ييمه رجن الكون
زرقه الشفايف اصفر اللون
عميه ياجعفر ريت العيون

عليمن يسمّك ليش منصور
خله الدليل وروحك اتفور
كلكم ذبايح وسط القبور
———-

الفراق

آ ياجعفر يمه ذوبته دليلي
آياجعفر منهدم قبلك ياحيلي
آ ياجعفر دمعتي المن تسيلي

آ يا جعفر اتنازع اتشوفك عيوني
آ ياجعفر يمه من سمك رووني
آياجعفر بيك يمه ايلوعوني

آياجعفر دمعي المن يمه اسيله
آياجعفر وكلكم املوع دليله
آياجعفر مابيديه يمه حيله

آياجعفر حسين هو اللوعاني
آ ياجعفر امصابه بفادي جواني
آياجعفر وانت مثلي هم تعاني
———-
بنت الشمري
٢٠٢٤

نعي توسل
بالامام الصادق عليه السلام


الجفيري

يالحاير ودمعك همول
انخه الزكي وابن الرسول
ماتبطي والحاجه تنول
جعفر امام الرافضه

يالدمعك ابدا مانشف
حملك عليه ذبه ويخف
نبع الكرامه المايجف
جعفر امام الرافضه

ابن الزجيه وحيدره
ابو الكرامه الظاهره
ايسر الدليل ويجبره
جعفر امام الرافضه
———-
مجردات

انخه المسيه صادق الال
يدري ابدليلي ايشوفه الحال
جيته اشتكيله امن الزمن مال

ادري عليّه ابعطفه ايجود
ودافي الزمان اعليه ايعود
ايبرد القلب وايعلي السعود

شيخ الايمه وبابه مفتوح
يسمع ونيني ويدري بالنوح
ايطيب دليلي ويشفي الجروح
———
الفراق

آ يا والي ابدمعتي دقيته بابك
آيا والي انتظر منك جوابك
آياوالي ابجاه ونات المصابك

ايا والي ياابو الجف الطويله
آيا والي برد اليسعر دليله
آياوالي حملي نظراتك تشيله

آيا والي صادق العتره نخيتك
آ يا والي بجف ابو فاضل رجيتك
آيا والي قلبي عطشان إل عطيتك
—————
بنت الشمري
٢٠٢٤

نعي

في مصاب الحمزه بن عبد المطلب عليه السلام



الجفيري
———-
دمع النبي إلعمه يهل
هذا الجراله مو سهل
نجمه علينه هل افل
راح وبواجي مااله
____,
اشمالج ياهند اتقطعيه
وقلب الهواشم تفجعيه
طه اعله عمه اتلوعيه
راح وبواجي مااله
————
من جثّته عقد وسوار
ولا طىفّى هذا كلِ نار
شگيتي قلبه يامرار
راح وبواجي مااله
———
اذانه عقد وتلبسيه
والجبد ردتي تاكليه
ليش الجسد اتقطعيه
راح وبواجي مااله
———

وابجثته حمزه تقطّعين
ورثتي قلبج هاللعين
ليْزيد واشسوه بحسين
راح وبواجي مااله
____
الفراق
——-

آيا حمزه امصابك البجه نبينه
آياحمزه اشسوت ابجثتك لعينه
آياحمزه شافك والله اليعينه

آياحمزه معْظمه عند الله شانك
آياحمزه وعد رسول الله مكانك
آ ياحمزه عقد واسواره اذانك

آياحمزه شگت البطن اويه صدره
آياحمزه قلبه بيديها تعصره
آياحمزه قلب احبابه تفطره

آياحمزه لاچت ابفمها جبدته
آياحمزه والنبي علاها ونته
آياحمزه اشلون بالله اتشوفه اخته
—————-
مجردات
——
ياشيعتي نصبوا العزيه
إلعمي حمزه ابهلمسيه
غالي تعرفونه العليه
والدمعه لمصابه جريه

نصبوا المآتم واسعدوني
واعله الغوالي ساعدوني
سم المصايب جرعوني

نصبوا العزيه ولا تملون
وهلوا بعد كل دمع العيون
احضر معاكم يالتونون

ذكروا الغريب المات عطشان
ابني السبط ابدمومه رويان
حزنه ابد ما تشبه احزان
———-
بنت الشمري
٢٠٢٤